ចម្រៀងសរសើរតម្កើងព្រះ ២០ មករា ២០១៩

ព្រះវិញ្ញាណនៃសេចក្តីពិត

(បទទី១ ទំនុកខ្មែរបរិសុទ្ធ លេខ៨២)

999

១- ពេលកើតមានទុក្ខព្រួយ   ព្រះវិញ្ញាណជួយលោមកំសាន្តចិត្ត  ឱ្យធូរស្បើយពីវិបត្តិ
ទ្រង់លាងសម្អាតចិត្តសៅហ្មង  ឱ្យតែថ្វាយដាច់ស្រេចដល់ព្រះអង្គ
ទូលអស់រឿងផងទាំងប៉ុន្មាន  កុំលាក់ទុក្ខនៅក្នុងប្រាណ ទ្រង់ជួយឱ្យបានល្ហែល្ហើយជាក់។

២- ពេលមានការបៀតបៀន  នោះព្រះវិញ្ញាណគង់ជាមួយអ្នក  ទ្រង់ជួយឱ្យរួចអន្ទាក់
ខ្នោះឃ្នាងច្រវ៉ាក់ទាំងប៉ុន្មាន   ជួបការលំបាកខំអធិស្ឋាន
ទ្រង់ជួយឱ្យបានរួចទុក្ខភ័យ   ក្លាហានឡើងទាំងប្រុសស្រី   មើលន៎​­ភួងជ័យអ្នកនឹងបាន

៣- ពេលមានឈឺគ្រាំគ្រា   ព្រះវិញ្ញាណជាគ្រូពេទ្យចំណាន   ជាថ្នាំទិព្វព្រះប្រទាន
ចូរអធិស្ឋានសូមករុណា   ទ្រង់មានអំណាចប្រោសឱ្យបានជា
ដោយឬទ្ធិចេស្តាព្រះដ៏ខ្ពស់   កុំភ័យព្រួយជឿទ្រង់ចុះ   សង្ឃឹមទ្រង់ស្មោះទ្រង់ប្រោសឱ្យ។

៤- នៅពេលមានឧបស័គ្គ   ទោះបីគ្រោះថ្នាក់ដល់ស្លាប់ក៏ដោយ   ព្រះវិញ្ញាណហ៊ុំពទ្ធ័ឱ្យ
កុំរាបែរក្រោយចូរទៅមុខ   ឈ្មោះអ្នកក្នុងក្រាំងព្រះបានកត់ទុក
ចូរដើរទៅមុខដោយគ្មានខ្លាច   សេចក្តីស្លាប់គ្មានអំណាច   គំរាមកម្លាចកូនព្រះឡើយ ៕